სამზარეულოს ავეჯის დამზადება

ავეჯის დამზადება

მოძენბე შენი ოცნების სამზარეულოს ან სხვა ავეჯის დიზაინი ჩვენთან

Dragon Wood - მა სპეციალურად თქვენთვის შეაგროვა ინტერნეტ სივრციდან, მოთხოვნადი და თანამდეროვე სამზარეულოს ფოტოები. ახლა უკვე აღარ მოგიწევთ ინტერნეტში სხვადასხვა ვებ - გვერდებზე სამზარეულოს და სხვა ავეჯის სურათების ძენბა. თქვენ შეგიძლიათ ისარგებლოდ ჩვენი ფოტო კატალოგით ერთ სივრცეში.

73 results found

Blog Posts (3)

  • როცა ხარისხი დეტალებშია!

    როდის არის კმაყოფილი მომხმარებელი? - როდესაც საუკეთესო ხარისხს იღებს მისაღებ ფასად. ის მცირე ჩამონათვალი რაც მოქმედებს შესრულების ხარისხზე: 1) მასალის სახეობა 2) სწორად ჩატარებული აზომვითი სამუშაოები. 3) ხელსაწყოების ნაირსახეობა და ხარისხი. 4) დამკვეთთან სწორი მიდგომა. 5) 3D პროექტირება. 6) ყველა დეტალის გათვლა და დამკვეთთან შეთანხმება. 7) დამკვეთი სრულიად უნდა ხვდებოდეს რა შედეგს მიიღებს. 8) სწორი მიდგომით ავეჯის დეტალების აწყობა სახრახნისით. 9) შეერთებული დეტალები არ უნდა სცდებოდეს ერთმანეთს. 10) დეტალების დაწიბოვება იქაც კი! სადაც დამკვეთი ვერ დაინახავს. 11) მექანიზმების სწორი რაოდენობით და მოდელებით გამოყენება. 12) 1 ცალ ასახდელ კარზე 2 ამწევი დგუშის დაყენებაა საჭირო რომ თანაბრად მუშაობდეს მექანიზმი. ასევე მოქმედებს სხვა ფაქტორებიც. 13) შესრულებისას სისუფთავე უნდა იყოს დაცული. 14) მონტაჟის დროს მაქსიმალურად უნდა იყოს გათვალისწინებული დამკვეთის კომფორტი. 15) შესრულებული სამუშაო ადამიანს სიმშვიდის, უსაფრთხოების და სრულყოფილების გრძნობას უნდა უჩენდეს. 16) დროულად შესრულებული შეკვეთა, პროფესიონალიზმის ერთ ერთი მანიშნებელია. ყურადღება! ვებ გვერდზე გამოქვეყნებული სტატიები, ფოტო და ვიდეო მასალა არის Dragon Wood-ის ინტელექტუალური საკუთრება. აღნიშნული დაცულია საქართველოს შესაბამისი კანონმდებლობით და უფლებების დარღვევის შემთხვევაში მოხდება შესაბამისი რეაგირება. დასაშვებია მხოლოდ პოსტების და ბმულების გაზიარება მეგობრებისთვის სოციალურ ქსელებში. პატივისცემით, Dragon Wood-ის ადმინისტრაცია.

  • საავეჯე მასალის სახეობები

    თანამედროვე ავეჯის მასალები საკმაოდ მრავალფეროვანია, ამიტომ მათ თავისებურებებში გარკვევა ძალიან მნიშვნელოვანია. ავეჯის წარმოების ძირითად მასალას მერქნის ფილების სხვადასხვა სახეობები წარმოადგენს. მერქან-ბურბუშელოვანი ფილა ("დსპ") მერქან ბურბუშელოვანი ფილა (დსპ) მზადდება მერქნის ნახერხისა და ბურბუშელასგან, რომელიც ცხელი დაპრესვის მეთოდითაა ერთმანეთთან დაკავშირებული, სპეციალური შემაკავშირებელი ნივთიერებით ფორმალდეგიდის ფისით. დადებითი თვისებები: 1. სიმტკიცე, სიმსუბუქე და სწრაფად აწყობის შესაძლებლობა. 2. ფერებისა და ფაქტურის ფართო არჩევანი, ნატურალური ხის ფაქტურის იმიტაცია. 3. მექანიკური და თერმული ზემოქმედებისადმი მაღალი გამძლეობა(ნაკლებად ზიანდება დარტყმის ან სხვა დატვირთვის შემთხვევაში და მისი ზედაპირი ამტანია ცხელი ჩაიდნისა, ტაფის და ა.შ მიმართ) 4. წყლის მიმართ გამძლეობა. 5. დაბალი ფასი. უარყოფითი თვისებები: 1. ”დსპ”-ს ძირითადი უარყოფითი თვისება არის მის შემადგენლობაში ფორმალდეგიდის ფისის არსებობა, რომელიც ერთმანეთთან აკავშირებს ხის ნაწილაკებს. ”დსპ” ჰაერში გამოყოფს ფორმალდეგიდის განსაზღვრულ რაოდენობას, ხოლო მისი დიდი რაოდენობით გამოყოფის შემთხვევაში, ტოქსიკურობის გამო იგი საშიშია ადამიანის ჯანმრთელობისთვის. თუმცა საერთაშორისო სტანდარტებით ტოქსიკურობის მაჩვენებლის მიხედვით იწარმოება ორი სახის ”დსპ”- E1 და E2 კლასი. E1 კლასის ”დსპ” გამოირჩევა მაღალი ეკოლოგიური სისუფთავით, მასში ფორმალდეგიდის ემისიის შემადგენლობა თითქმის ნულის ტოლია, მაშინ როცა მაგალითად E2 კლასის ”დსპ”-ეს გამოყენება აკრძალულია საბავშვო ავეჯის წარმოებაში. ამიტომ, თუ ”დსპ”-ეს შეძენა გადაწყვიტეთ, აუცილებლად მოითხოვეთ სერთიფიკატი ან სხვა დოკუმენტაცია, რათა დარწმუნდეთ, რომ მასალა სწორედ E1 ემისიის კლასისაა. 2. მისი მინუსია ასევე ის, რომ სიმტკიცის გამო ვერ ხერხდება მისი ფაქიზი დამუშავება (ღრმა ფიგურული ფრეზირება, ყველა შესაძლო ფიგურული დეტალების დამზადება). ძირითადი ტიპები ”დსპ”, მთელი რიგი მახასიათებლებით გამოირჩევა. ამ თვისებებში შედის გამობერვის მაჩვენებელი, სიმტკიცის, დრეკადობისა, დაბრეცვისა და ხორკლიანობის მაჩვენებლები. ძირითადად გამოირჩევა ორი მარკა - P-A და P-B. უკეთესი ხარისხით და ფიზიკო-მექანიკური თვისებებით გამოირჩევა მარკა P-A. ამის გარდა აუცილებელია იმის ცოდნა, თუ რა ტექნოლოგია იქნა გამოყენებული ”დსპ”-ს მოპირკეთების დროს. ავეჯის წარმოებაში მოპირკეთება ნიშნავს მასალაზე ავეჯის მოსაპირკეთებელი თხელი ფენის (სხვადასხვა ფერის ხის სტრუქტურიანი, ან ერთფეროვანი) მიწებებას (გადაკვრას). არსებობს მოპირკეთების ორი ძირითადი ხერხი: 1. დაწებების მეთოდი როცა ”დსპ”-ზე თხელ, სპეციალურ ფენას სპეციალური წებოს საშუალებით აწებებენ. 2. ლამინირების მეთოდი (”ლდსპ”-ლამინირებული ”დსპ”) - როცა ”დსპ”-სთან ამ ფენის შერწყმა პრესისა და მაღალი ტემპერატურის ზემოქმედებით ხდება (წებოს გამოყენების გარეშე). ორივე მეთოდით დამზადებული ”დსპ” ვიზუალური თვალსაზრისით (და ფასითაც) თითქმის ერთნაირია, თუმცა ლამინირებული ”დსპ” გამძლეობით გაცილებით უკეთესია, რადგან წებოს საშუალებით დამზადებული ”დსპ” კუთხეებში და კიდეებზე იწყებს აშრევებას (აფურცქვნას). მერქან-ბოჭკოვანი ფილა ("დვპ") ეს მეორე სახის მერქნის ფილაა, რომელიც გამოიყენება ავეჯის წარმოებაში. ”დვპ” - ფურცლოვანი მასალაა, რომელიც მიიღება მერქნის ბოჭკოების მასის ცხელი დაპრესვის შედეგად. თვითონ ეს ბოჭკოები მიიღება მერქნის ნედლეულის ნაფქვავის ორთქლში გატარების გზით. ხოლო ნედლეულად გამოიყენება ნახერხი და სხვა ხის დამუშავების შედეგად მიღებული ნარჩენები. იმისათვის რომ გაუმჯობესდეს მასალის საექსპლუატაციო თვისებები, ნედლეულს უმატებენ გამამტკიცებელ მასალებს (სინთეტიკურ ფისსა და პარაფინს). ჩვეულებრივ, ”დვპ”-სგან ამზადებენ კარადის, ტუმბოების, საწოლების კედლებს, გამოსაწევი უჯრებისა და დივნების ფსკერს. დადებითი თვისებები: 1. ეკოლოგიურობა 2. მაღალი გამძლეობა 3. დაბალი ფასი უარყოფითი თვისებები: 1. ”დვპ”-ს მთავარი უარყოფითი თვისება მხოლოდ მისი გამოყენების მცირე სპექტრშია. მისი დამზადების ტექნოლოგია არ იძლევა ”დვპ”-ეს უფრო სქელი ფილის დამზადების საშუალებას, ამიტომ მისგან სრულფასოვანი ავეჯის კომპლექტის დამზადება შეუძლებელია. თუმცა თავის საქმეში ”დვპ” პრაქტიკულად შეუცვლელია. 2. არც თუ ისე მიმზიდველი იერი (თუმცა ის ძირითადად ისეთ ადგილებში გამოიყენება სადაც არ ჩანს, ან ნაკლებად ჩანს. მერქნის მცირე დისპერსიული ფრაქცია (მდფ") ”მდფ” უფრო ეკოლოგიური და პროგრესირებული მასალაა ვიდრე ”დსპ” და ”დვპ”. მისი ფილა მზადდება მერქნის ძალიან წვრილი ნახერხისაგან (ნაქლიბისაგან). დამზადების პროცესში მერქნის ნაწილაკების ერთმანეთთან შეკავშირება ლიგნინისა და პარაფინის საშუალებით ხდება. ”მდფ” ძალიან ეკოლოგიური მასალაა, რომელიც ექვემდებარება ყველაზე ფაქიზ დამუშავებას, ამის გამო მასალა ფართოდ გამოიყენება კარადის ფასადების, მაგიდების, საწოლის შესანიშნავი საზურგეების, სამზარეულოს კარადების და ა.შ დასამზადებლად. მასზე მუშაობა უფრო მარტივია, რადგან უფრო დრეკადია, კარგად კეთდება ფრეზირება იძლევა საშუალებას გაკეთდეს მოღუნული, ნახევრადმრგვალი ფასადები. ავეჯის თანამედროვე დიზაინში, "მდფ" - ზე ეკვრება პოლივინიქლორიდი - თერმოპლასტიური ფირი, რომელიც გარდა იმისა, რომ იცავს მასალას ნესტისგან, ორთქლისგან და სხვადასხვა სარეცხი საშუალებებისგან, ძალიან ლამაზია, გლუვია, პრიალა და ფერადი (შესაძლებელია შეირჩეს ნებისმიერი ფერი). ”მდფ” ერთ-ერთი ყველაზე პოპულარული მასალაა ევროპაში, დადებითი თვისებები: 1. ეკოლოგიურობა 2. სიმსუბუქე და ფაქიზი დამუშავების შესაძლებლობა.(ამიტომ იგი თანამედროვე დიზაინერების საყვარელი საფასადე მასალაა) 2. ფლობს ხის ძირითად დადებით თვისებებს და ძლებს უფრო დიდხანს. უარყოფითი თვისებები: 1. ადვილად ზიანდება მექანიკური ზემოქმედების შედეგად. 2. ვერ იტანს ნესტსა და მაღალ ტენიანობას 3. შედარებით მაღალი ფასი. შპონი გერმანული სიტყვაა (Span) შპანი, იგი წარმოადგენს თხელ ფურცლოვან მასალას, რომელიც მიიღება მთლიანი მერქნის ათლის შედეგად. "შპონი" ძირითადად გამოიყენება როგორც მოსაპირკეთებელი მასალა, ან კიდევ ფანერის დასამზადებლად. აზრი იმის შესახებ, რომ შპონი ნატურალური ხის მასალაა, თითქმის სიმართლეა, მაგრამ გადაჭარბებული, რადგან შპონირების პროცესი ითვალისწინებს ავეჯის მასალის ფილაზე (ძირითადად ”მდფ”-ზე) შპონის მასალის დაწებებას, ხოლ შემდგომ მის გალაქვას. თუმცა უნდა აღინიშნოს, რომ შპონი შეიძლება დამზადებული იყოს სხვადასხვა სახის ძვირფასი მერქნისგან, რაც მის ვიზუალურ სახეს მიმზიდველს და ორიგინალურს ხდის. დადებითი თვისებები: 1. მერქნის სახეობების, ტექსტურისა და ფერის ძალიან დიდი არჩევანი. 2. რთული გეომეტრიული ფორმის დეტალების დამზადება და ინკრუსტრაცია(მოპირკეთების) შესაძლებლობა. 3. შპონით მოპირკეთებული მასალა ”ცოცხალი”, ”თბილი” და ექსკლუზიურია. 4. ძალიან გამძლეა და ადვილად ექვემდებარება რემონტს. უარყოფითი თვისებები: 1. კაპრიზულია მოვლის მიმართ; 2. იმის მიხედვით, თუ რა მასალისგანაა დამზადებული, შეიძლება შეიცვალოს მექანიკური თვისებები, ფერი და ტექსტურა; 3. მაღალი ფასი; მინა და სარკე უსაფრთხოების დონის და შესაბამისად ფასის მიხედვით მინა და სარკე შეიძლება დავყოთ ორ ჯგუფად- ჩვეულებრივი და უსაფრთხო. ჩვეულებრივი მინა და სარკე რა თქმა უნდა გამოიყენება ავეჯის წარმოებაში, მაგრამ არ ღირს მათი კარადებში და სხვა სახის ავეჯში გამოყენება, რადგან იგი ძალიან მყიფეა და ადვილად შეიძლება გატყდეს, ამან კი საფრთხეც კი შეგიქმნათ. უსაფრთხო მინა და სარკე კი სპეციალურად ავეჯისთვისაა გათვლილი, გაცილებით უსაფრთხო და ხარისხიანია. დადებითი თვისებები 1. მინას მრავალფეროვნების შეტანა შეუძლია ინტერიერში, 2. სარკეს ვიზუალურად ზრდის ოთახის სივრცეს. უფრო ნათელს ხდის შენობას. უარყოფითი თვისებები 1. მინისა და სარკის მინუსი მათი სიმყიფე 2. სხვა მასალებთან შედარებით საკმაოდ მაღალი ფასია. მეტალი ზოგიერთი მონაცემებით, სწორედ მეტალი დაიკავებს ლიდერის პოზიციებს ავეჯის მასალების წარმოების ბაზარზე. თუმცა დღესდღეობით მეტალი, როგორც ავეჯის მასალა არც ისე ხშირად გვხვდება. ძირითადად იგი გვხვდება დასაკეც-გასაშლელი მექანიზმების, მოძრავი ელემენტებისა და ფურნიტურის სახით(სახელურები, საკეტები, ანჯამა). მეტალის ძირითად მტრად ყოველთვის ითვლებოდა და ეხლაც ითვლება კოროზია, ძირითადად იგი ფოლადს ემუქრება. ამის თავიდან აცილება შეიძლება ანტიკოროზიული დამუშავებით ან ქრომირებით. ფოლადის შეცვლა შეიძლება ტიტანით ან ალუმინით. თუმცა ტიტანი ძალიან ძვირია, ამიტომ ალუმინი სულ უფრო დიდ ადგილს იკავებს ავეჯის წარმოებაში თავისი სიმსუბუქის, კარგი გარეგნული სახის, ანტიკოროზიული თვისებებისა და დაბალი ფასის გამო. არ შეიძლება არ ავღნიშნოთ ნიკელი, რომელიც შესანიშნავი მასალაა როგორც ვიზუალური, ასევე მექანიკური თვისებების გამო. დადებითი თვისებები: 1. შესანიშნავი გარეგნული სახე 2. ერგონომიულობა 3. სიმსუბუქე. უარყოფითი თვისებები : 1. კოროზიის საფრთხე, რომელიც მეტალის ნომერი პირველი პრობლემაა. 2. საკმაოდ მაღალი ფასი. სინთეტიკური მასალები სინთეტიკური მასალების არჩევანი ძალიან ფართოა განვიხილოთ მათ შორის ყველაზე მნიშვნელოვანი და გავრცელებული მასალები: მოსაპირკეთებელი პლასტმასი - ფურცლოვანი ან რულონის ფორმის მასალა, რითაც ფუთავენ ავეჯის ფასადს. აბსოლუტურად გლუვი ზედაპირის დასაფარადაც კი საჭიროა ისეთი პლასტიკური მასალა რომელიც დრეკადია, რბილი და ადვილად იღებს საჭირო ფორმას, შემდეგ კი მაგრდება და ინარჩუნებს გამძლეობას. ასეთ უნარს ფლობს ეგრეთწოდებული პოსტფორმირებული პლასტიკები, რომელიც მიიღება რამდენიმე ფენა სინთეტიკური ფისისა და ქაღალდის ფენების დაპრესვით. ბოლო დროს უპირატესობა ენიჭება აკრილის ფისის ფუძეზე დამზადებულ მასალებს. ხელოვნური ქვა - ცეცხლგამძლე მინერალის,აკრილის ფისისა და პიგმენტებისგან შემდგარი კომპოზიტია. ვიზუალური ეფექტით ხელოვნური ქვა არ ჩამოუვარდება ბუნებრივს. ამას გარდა ის განთავისუფლებულია ნატურალური ქვის უარყოფითი თვისებებისაგან. ხელოვნური ქვა ბუნებრივზე გაცილებით მსუბუქია, ის იოლად არ ტყდება და არც იკაწრება. მარტივად მუშავდება, ჰიგიენურია და ადვილად ექვემდებარება რესტავრაციას. სპეციალური წებოს მეშვეობით ნაკაწრები ჩვეულებრივი ქაღალდით პრიალდება. რაც შეეხება ეკოლოგიურობას, აქაც ყველაფერი რიგზეა, აკრილის ფისი და ნატურალური მინერალები აბსოლიტურად უვნებელია. დადებითი თვისებები: 1. პლასტმასით ან ხელოვნური ქვით მოპირკეთებული ავეჯი ექსპლუატაციას კარგად უძლებს მრავალი წლის მანძილზე, 2. არაჩვეულებრივი ვიზუალური სახე. უარყოფითი თვისებები: 1. არ არის მასიური და ნაკლებად ხელმისაწვდომია. 2. საკმაოდ მაღალი ფასი.

  • ავეჯის დამზადება რა მასალით ხდება? გაიგე აქ!!

    მასალები, რომლებიც გამოიყენება თანამედროვე ავეჯის ასაწყობად, დღესდღეობით იმდენად მრავალფე-როვანია, რომ მათი შერჩევა საკმაოდ რთულია, თუ ამ პროფესიით არ არის დაკავებული ადამიანი. თითოეულმა მომხმარებელმა უნდა იცოდეს რისგან მზადდება მის მიერ შეკვეთილი სამზარეულო, კარადა, საწოლი და ა.შ. ჩვენ გთავაზობთ პატარა ინფორმატიულ სტატიას, რათა შეგექმნათ მცირედი წარმოდგენა მაინც არსებულის შესახებ. შევთანხმდეთ, რომ ყველა მომხმარებელი ეძებს ავეჯს ხანგრძლივი ექსპლოატაციისთვის, ხარისხიანს, ეკოლოგიურად ჯანსაღს და ამასთანავე მისაღებ ფასად. რათქმაუნდა მასიური ხისგან დამზადებული ავეჯი გაცილებით მყარია და ეკოლოგიურად სუფთა, მაგრამ მისი მაღალი ფასის გამო ხშირად გვიწევს ალტერნატიული მასალის ძიება, რომელიც ფერით და ფაქტურით დიდად არ ჩამოუვარდება ხეს და ამასთანავე მისი ფასი უფრო ხელმისაწვდომია უმრავლესობისთვის. ავეჯის მასალების ძირითადი ტიპები: 1. მერქან ბურბუშელოვანი ფილა ე.წ. დსპ (DSP), რომელიც მზადდება ფისით გაჟღენთილი და დაპრესილი მერქანის ნახერხისა და ბურბუშელისაგან. ბაზარზე არსებობს ორი სახეობის დსპ: E1 და E2 კლასის. მას აქვს დაბალი ფასი, მსუბუქი წონა და გამძლეობა, რამაც ეს მასალა სამზარეულოსა და ზოგადად სახლის ავეჯისთვის ძალიან პოპულარული გახადა. ამ მასალის მინუსი არის მისი შემადგენლობა, კერძოდ დსპ დამზადებისას გამოყენებული ფორმალდეჰიდის ფისი, რომლებიც ჯანმრთელობისთვის ძალიან საზიანოა. ამიტომ, E2 კლასის ფილები აკრძალულია საბავშვო ავეჯის წარმოებისთვის. E1 კლასის პროდუქტები მომხმარებლისთვის უსაფრთხდ ითვლება, მათში ყველა მავნე კომპონენტი მინიმუმამდეა დაყვანილი. 2. ლამინირებული დსპ -(DSP) ეს არის იგივე ფილები, რომელსაც დაკრული აქვს სპეციალური საფარი სხადასხვა ფერის, ნახატის და ფაქტურის იმიტაციით. ასეთი მასალა უფრო მდგრადია გარე ზემოქმედების , ტემპერატურის და მექანიკური დაზიანების მიმართ. ნაკლოვანებები - იგივე ფორმალდეჰიდის მავნე ფისების არსებობა და მასალის მყარი სტრუქტურის გამო მის დამუშავების დროს არაპლასტიურობა. 3. დვპ (DVP)- მერქნის ბოჭკოების ცხელი დაპრესვის მეთოდით მიღებული მასალაა. მის შემადგენლობასი შედის აგრეთვე პოლიმერები, წყალი, ცელულოზა და სხვადასხვა დანამატები. დვპ გამოყენების არეალი საკმაოდ მცირეა, ძირითადად უჯრების ფსკერებზე და ავეჯის ზურგის მასალად გამოიყენება. მისი ფასი საკმაოდ დაბალია, რაც ხელმისაწვდომს ხდის მომხმარებლისთვის. 4. მდფ-ის (MDF) ფილა ხის ბოჭკოების მშრალი გზით შეკუმშვის შედეგად მზადდება. შემაერთებელი კომპონენტი მასალის წარმოებაში არის შარდოვანი ფისები. მდფ გამოირჩევა მაღალი ეკოლოგიური თვისებებით , ამიტომ მათი გამოყენება რეკომენდირებულია სხვადასხვა სახის ავეჯის დასამზადებლად. მასზე მუშაობა უფრო მარტივია და მასალის დრეკადობის გამო ადვილად იფრეზება. ავეჯის თანამედროვე დიზაინში, მდფ (MDF) - ზე ეკვრება პოლივინიქლორიდი (პვს, PVC)- თერმოპლასტიური ფირი, რომელიც გარდა იმისა, რომ იცავს მასალას ნესტისგან, ორთქლისგან და სხვადასხვა სარეცხი საშუალებებისგან, ძალიან ლამაზია, გლუვია, პრიალა და ფერადი (გააჩნია ფერთა ფართო არჩევანი). MDF– ის კიდევ ერთი უპირატესობა - წარმოების დროს, მავნე კომპონენტების გამოყენება რამდენჯერმე შემცირებულია, იზრდება გარემოსდაცვითი მაჩვენებელი. გარეგნულად მისი დამუშავების მაღალი ხარისხი ბევრად არ ჩამოუვარდება მასიურ ხის ვიზუალს და თვისებებს. მასალა (MDF) წყალგაუმტარი და გამძლეა. მის ნაკლოვანებებს მოიცავს მაღალი ფასი და ადვილად აალებადი ფაქტურა. ასევე, MDF პროდუქტები არ ექვემდებარება აღდგენას, აუცილებელია დაზიანებული ნაწილების გამოცვლა. 5. ფანერა კონსტრუქციული, მრავალფენიანი, ქარხნული წესით დამზადებული ფურცლოვანი საშენი მასალაა. შედგება კენტი რაოდენობის შპონების თხელი ფენებისაგან. შპონები მზადდება არყის ხის ან სხვა წიწვოვანი ჯიშის მერქნისაგან. ეს არის საკმაოდ სუფთა და უვნებელი მასალა, ადვილად დამუშავებადი და დაბალი ღირებულების მქონე. 6. შპონი - მერქნის (ბუნებრივი) ან სხვა მასალის (სინთეზური) თხელი ფირფიტები. ხასიათდება ლამაზი ტექსტურით. გამოიყენება სამზარეულოს, კარადის მაგიდის საწოლის და სხვა საყოფაცხოვრებო დანიშნულების ნაკეთობების წარმოებაში საფასადე მასალად. ამ მასალისგან მიღებულ პროდუქტებს აქვთ მაღალი დონის ესთეტიკა და შესანიშნავი შესრულების მახასიათებლები, ამიტომ ის ყველაზე პოპულარულია ავეჯის მწარმოებლებს შორის. მას აქვს მიმზიდველი გარეგნობა, ასევე პრაქტიკულია და გამძლეა. მაგრამ ყოველთვის უნდა გახსოვდეთ, რომ ტენისადმი არამედეგია, ამიტომ შეეცადეთ თავიდან აიცილოთ დაშპონილი ნაწილის დასველებისაგან. დროულად გაწმინდეთ დაღვრილი წყალი ავეჯის ზედაპირიდან, შედეგად კი თქვენი ავეჯი მრავალი წლის განმავლობაში შეინარჩუნებს იდეალურ გარეგნობას და ფუნქციას. 7. სამზარეულოს ზედაპირი ე.წ. „სტალეშნიცა“ რამდენიმე სახეობის მასალისგან შეიძლება დაამზადოთ. მათ შორის არის: ე.წ. "ლამინატი" (მერქანბურბუშელოვან ფილაზე გადაკრული პლასტმასნარევი მასალა), ბუნებრივი ქვა, ნახევრადბუნებრივი ქვა და პლასტმასის შემცველი თანამედროვე მასალები. სამზარეულოს ზედაპირისთვის ყველაზე დაბალბიუჯეტიანი მასალაა ე.წ. "ლამინატი". მათი არჩევანი ბაზარზე საკმაოდ მრავალფეროვანია. ასეთი ზედაპირი უძლეს როგორც ცხელ, ასევე ცივ ზემოქმედებას.სამზარეულოს ზედაპირისთვის ხშირად იყენებენ ბუნებრივ ქვებს, როგორიცაა მარმარილო, გრანიტი და ონიქსი. თუმცა ამ შემთხვევაში ერთი ფაქტორია გასათვალისწინებელი. მარმარილოსა და ონიქსის გამოყენება უკეთესია ბარის მაგიდის და არა სამზარეულოს ზედაპირისთვის. ბუნებრივი ქვებიდან სამზარეულოს ზედაპირისთვის იდეალურია გრანიტი. შესაძლებელია მისი ამოჭრა და ნიჟარის ჩადგმა. ყოველდღიურ მოხმარებაში ძალიან პრაქტიკულია, ადვილად არ იკაწრება და არ ლაქავდ მაგრამ სამზარეულოს ზედაპირისთვის ბუნებრივ ქვაზე უფრო პრაქტიკული და მოსახერხებელი ნახევრადბუნებრივი ქვაა. ასეთია კვარცი, რომელიც გრანიტისგან განსხვავებით, არ იკაწრება და არც გრძელვანიადი მოხმარების პერიოდში ლაქავდება. კვარცი ანტიბაქტერიული თვისებებითაც გამოირჩევა. მას იმდენად ვიწრო ფორები აქვს, რომ ბაქტერიები არ ჯდება. შესაბამისად, ის ეკოლოგიურად ყველაზე სუფთა ქვაა. კვარცი კარგად უძლებს სინესტესაც. სამზარეულოს ზედაპირისთვის ბოლო პერიოდში აქტიურად გამოიყეებენ პლასტმასის შემცვლელ თანამედროვე მასალებსაც, რომლებიც ტექნოლოგიური დამუშავების შედეგად ფორმას იცვლის. ფორმის ცვლილება შესაძლებელი ხდება პლასტმასნარევი მასის გაცხელების შედეგად. ვიმედოვნებთ, რომ Dragon Wood -ის მიერ მოპოვებული მასალა თქვენთვის საინტერესო და ინფორმატიული იქნება. ყურადღება! ვებ გვერდზე გამოქვეყნებული სტატიები, ფოტო და ვიდეო მასალა არის Dragon Wood-ის ინტელექტუალური საკუთრება. აღნიშნული დაცულია საქართველოს შესაბამისი კანონმდებლობით და უფლებების დარღვევის შემთხვევაში მოხდება შესაბამისი რეაგირება. დასაშვებია მხოლოდ პოსტების და ბმულების გაზიარება მეგობრებისთვის სოციალურ ქსელებში. პატივისცემით, Dragon Wood-ის ადმინისტრაცია.

View All

Pages (70)

  • ავეჯის დამზადება | სამზარეულოს დამზადება | ფასები

    ავეჯის დამზადება მომანდეთ თქვენი ოცნების სამზარეულოს დამზადება ! ​ ჩემთან ავეჯის დამზადებისას ყოველთვის გამოიყენება მაღალი ხარისხის მასალა და მექანიზმები. მომსახურებაში შედის: ​ სამზარეულოს დამზადება | ავეჯის დამზადება | საძინებლის დამზადება | ბავშვის ოთახის ავეჯის დამზადება | ავეჯი სასტუმროსთვის | საწოლი სასტუმროსთვის | საბავშვო ბაღის ავეჯის დამზადება | ავეჯის 3D პროექტირება და დიზაინი | აბაზანის ნიჟარის კარადა | შემოსასვლელის კარადა | სხვა ნებისმიერი ავეჯის დაპროექტება დამზადება და მონტაჟი. გაეცანით ვისთან ვთანამშრომლობ თქვენი ავეჯის დამზადებისთვის ყველა შემთხვევა თანხმდება ინდივიდუალურად ავეჯის დამზდება პრემიალური ხარისხი მე დარწმუნებული ვარ ჩემს შესაძლებლობებში. გამაჩნია საჭი-რო ცოდნა, გამოცდილება და ტექნოლოგიები. ავეჯის დამზდების ხარისხი გამოცდილება წლების მანძილზე შესრულებუ- ლი მაქვს 250-ზე მეტი წარმატე- ბული პროექტი. ეკოლოგიური მასალა ეკოლოგიურობა ევროპული ხარისხის მასალები და მაკომპლექტებელი მექანიზმები უზრუნველყოფენ უსაფრთხოებას ჩემს შესახებ მოგესალმებით, მე ლაშა ლომიძე გახლავართ. გადავწყვიტე Dragon Wood -ის სახელით წარმომედგინა ჩემი პორტფოლიო და მეურთიერთა თქვენთან. აქვე ავღნიშნავ რომ ეს ყველაფერი ოჯახურ საქმეს წარმოადგენს. წლების მანძილზე დაგროვილი ნამუშევრები და მიღებული გამოცდილება, ვთვლი რომ სათანადო ფორმით უნდა იყოს წარმოდგენილი ინტერნეტ სივრცეში. ვარ გამოცდილი დიზაინერი და ხელოსანი, ასევე სხვა ტექნიკურ თუ ინფორმაციულ დარგშიც გამაჩნია შესაბამისი გამოცდილება და ცოდნა იმისთვის, რომ ჩემს მიერ შექმნილი პროდუქცია თქვენთვის ხარისხით, დონით და ფასით მისაღები იყოს. ​ იმედი მაქვს რომ ასეთ მნიშვნელოვან საქმეს როგორიც ავეჯის დამზადებაა, მე მომანდობთ და გპირდებით მიღებული შედეგით კმაყოფილნი დარჩებით. პატივისცემით, ლაშა ლომიძე ​ გჭირდება ინფორმაცია ავეჯის დამზადებათან დაკავშირებით ? ა ვ ე ჯ ი ს ბ ლ ო გ ი როცა ხარისხი დეტალებშია! 243 1 3 ავეჯის დამზადება რა მასალით ხდება? გაიგე აქ!! 2,863 Write a comment 4 საავეჯე მასალის სახეობები 857 Write a comment 1 F.A.Q. ხშირად დასმული კითხვები ავეჯის დამზადება რომელი ლამინატი ჯობია? თურქული თუ ავსტრიული? ჩვენს მიერ გამოყენებული მასალა, ყველა მწარმოებლისგან არის სერთიფიცირებული. ხარისხის და ეკოლოგიურობის შესაბამისი სერთიფიკატები გააჩნიათ. მათ შორის სერთიფიკატები. E1 კლასის მასალებს შორის სხვაობა არის მაგ: მერქან ბურბუშელოვანი ან მერქან ბოჭკოვანი შემადგენელის სიმკვრივე. (რაც უფრო მკვრივია ლამინატი და უფრო მჭიდროდ არის ეს შემადგენლები მასალაში, ლამინატის ფილა უფრო მყარია და შესაბამისად უფრო კარგად მუშავდება.) ზედაპირის დაფარვის ტექნოლოგიაში, შეფერილობაში, სტრუქტურასა და ნახატში. ზოგიერთი მასლა მაგ. თურქულის ბევრად ლამაზია შესახედავად, ხარისხითაც კარგია და პირიქით. არჩევანის გაკეთებისას უნდა გაითვალისწინოთ დიზაინი და დანიშნულება. თურქულ ლამინატს შედარებით სუსტი საფასადე დაფარვა აქვს ვიდრე ავსტრიულს, შესაბამისად უფრო მოფრთხილება სჭირდება. ასევე მის დაჭრა დაწიბოვებისას მაღალი ხარისხის საჭრელი დანადგარებია საჭირო, რომ დაჭრილ პროდუქციას საფასადე ფენა არ დაუზიანდეს. ავსტრიული ლამინატის ერთ ერთი ხარისხის დამახასიათებელი თვისებაა მისი სიმკვრივე. როგორც ძირითადი ასევე ფასადის ფენა მაღალი ხარისხით გამოირჩევა. ავეჯის შეკვეთისას ჩვენ დაგეხმარებით სწორი არჩევანის გაკეთებაში. დეტალურად გაირჩევა კონკრეტულად არჩეული მასალის თავისებურებები. ასევე უნდა იცოდეთ რომ მხოლოდ მასალის წარმომავლობა არ ნიშნავს იმას რომ საბოლოო პროდუქტი ხარისხიანი გამოვა. საავეჯე ფილებს დახვეწილი ტექნოლოგიით ხარისხიანი დაჭრა სჭირდება, დაწიბოვება, ტრანსპორტირება, სწორი მიდგომით და ცოდნით ავეჯის დამზადება და აწყობა. მასალებთან დაკავშირებით დამატებითი ინფორმაცია შეგიძლიათ მოიძიოთ პირდაპირ . მასალის მწარმოებლისგან ასევე უნდა იცოდეთ რომ მხოლოდ მასალის წარმომავლობა არ ნიშნავს იმას რომ საბოლოო პროდუქტი ხარისხიანი გამოვა. საავეჯე ფილებს დახვეწილი ტექნოლოგიით ხარისხიანი დაჭრა სჭირდება, დაწიბოვება, ტრანსპორტირება, სწორი მიდგომით და ცოდნით ავეჯის დამზადება და აწყობა. რომელი ავირჩიოთ, აკრილი სქელი დაფარვით თუ PVC პვს მდფ MDF ? ჩვენს მიერ გამოყენებული მასალა, ყველა მწარმოებლისგან არის სერთიფიცირებული. ხარისხის და ეკოლოგიურობის შესაბამისი სერთიფიკატები გააჩნიათ. მათ შორის სერთიფიკატები. E1 კლასის 1) აკრილს სქელი დაფარვით მდფ MDF -ზე შემდეგი თვისებები აქვს: თვითონ ზედაპირის საფარი მასალა არის სქელი დახლოვებით 1 მმ. თითქმის იდეალურად შეუძლია პრიალი. მისი მდგრადი ქიმიური თვისებების გამო, შესაძლებელია მისი პოლირებაც კი. გათვლილია იყოს ახლო მოხმარებაში მაღალ ტემპერატურებთან და ლამაზი შეფერილობის თუ ნახატის გარდა უფრო გამძლეა ნაკაწრების მიმართ. 2) ე.წ პვს PVC ის დაფარვას მდფ MDF -ზე შემდეგი თავისებურებები აქვს: ზედაპირის საფარი მასალა აკრილთან შედარებით თხელია, როგორც აკრილი მაღალ ტემპერატურებთან სამუშაოდ გათვლილი პირდაპირ არ არის, პოლირებისთვის გათვლილი არ არის. თუმცა ჩვეულებრივი მოხმარებისთვის რა თქმა უნდა ყველაზე პოპულარულია. რადგან მისაღებია ტექნიკური მახასიათებლების მიხედვით და ფასით. სამზარეულოში და სხვა ავეჯის დამზადებისას სწორი გამოყენების გათვლით და მიდგომით ის ჩვეულებრივ მოგანიჭებთ დიზაინერულ და ესტეტიურ სიამოვნებას და კომფორტს. სწორი არჩევანის გასაკეთებლად, გირჩევთ გაეცნოთ შემდეგ მწარმებლებს: „ “, „ “, „ “, " " და ასევე ჩვენ გვერდს " ". KRONOSPAN AGT ARKOPA BAKIS თანამშრომლობა კარგი სამზარეულოს ზედაპირი (სტალეშნიცა) რომელია? რა თქმა უნდა სამზარეულოს ზედაპირი (სტალეშნიცა) ყოველთვის ჯობია იყოს ნატურალური ნედლეულისგან დამზადებული. კორიანი, კვარცი, გრანიტი ან ნატურალური ხის ზედაპირი. თუმცა ბიუჯეტურად ყოველივე ზემოთხსენებული ძვირი ღირს. აი ამ შემთხვევაში კი უნდა მივმართოდ ბაზარზე არსებულ არჩევანს. გვჭირდება . ჩვენ რეკომენდაციას ვუწევთ ევროპულ, ავსტრიულ, შვეიცარიულ მწარმოებლებს. ასეთებია „ “ და „ “ მერქან ბურბუშელოვანი ფილისგან დამზადებული ზედაპირი KRONOSPAN EGGER ნატურალური ქვის სამზარეულოს ზედაპირი ჯობია თუ ხელოვნური ქვის? უდაოდ ნატურალური ჯობია. თუმცა ისიც შეიძლება დაიკაწროს. ხელოვნური ქვის ხიბლი მის ფასში გამოიხატება და ასევე არის შესაძლებელი მისი ფორმირება, გარკვეული ტექნოლოგიის გამოყენებით. მაგალითად ხელოვნური კორეანის ქვის დამზადებისას, მისი დამზადების ტექნოლოგიის ხარისხს უნდა მიექცეს დიდი ყურადღება. აუცილებლად ნახეთ დამზადებული ზედაპირის რეალური ნიმუში ან დეტალური სურათები. არის შემთხვევები როდესაც არ ამუშავებენ სათანადოთ. ზოგიერთი კომპანიისთვის მისაღებია ის მიდგომა რომ: (თუ არ ჩანს არაუშავს), (ქვემოდანაა და აიტანს), (ხმარებაში მოჯდება) და ა.შ. სამზარეულოს ზედაპირი ყველა მხრიდან უნდა იყოს ესტეტიურად ლამაზი და ხარისხიანად დამუშავებული. ხელს უხეშად არ უნდა ეხებოდეს კარის გახსნის დროს. ბასრი წიბოები და კიდეები არ უნდა ჰქონდეს. არჩევანის გაკეთება საჭიროა დიზაინის, ფერის, და ფაქტურის მიხედვით. ასევე ჩამოთვლილი რისკებიც უნდა გაითვალისწინოთ შეღებილი მდფ MDF გამძლეა? იქნებ მაგას აკრილი ჯობია ან პვს -ის მასალა MDF მდფ -ით? გააჩნია რა დანიშნულებით გნებავთ რომ გამოიყენოთ. შეღებილი შეიძლება იყოს ხარისხიანი ტექნოლოგიით და საღებავით შეღებილი ან უხარისხოთი. დროთა განმავლობაში გამოყენებისას შესაძლოა გაუჩნდეს ვიზუალურად შესამჩნევი ნაკაწრები და ცვეთა. აღნიშნული განპირობებულია იმით რომ: უხარისხო საღებავი და ტექნოლოგია იყო გამოყენებული. მოხმარებისას კონკრეტული ადგილი ისედაც მეტად იყო ცვეთის ზეგავლენის ქვეშ ვიდრე ავეჯის სხვა ნაწილები. მოხმარებისას შემთხვევით ლითონის ან სხვა შედარებით ბასრი ნივთით მოხდა შეხება. აკრილთან და პვს PVC -თან შედარებით, შეღებილი ზედაპირი გამძლეობით ბევრად სუსტია. აკრილი ან PVC ასე მარტივად ვერ დაიკაწრება და მითუმეტეს არ გაცვდება. კომუნიკაციები ცუდ ადგილას არის დაყენებული და სხვანაირად ვერ განაწილდება სამზარეულო? სამზარეულოს განაწილება შეიძლება თითქმის ყველანაირად. წყლის კომუნიკაციები და საკანალიზაციო არხთან დაკავშირება შესაძლოა დაშორებითაც მოხდეს. სპეციალური მილებით მოხდეს დაერთება. უნდა იყოს შესრულებული წყლის გამდინარეობისთვის სწორი დახრილობის გათვალისწინებით. საკანალიზაციო და წყლის მილების დაერთება - გაყვანას თავისი ტექნოლოგიური წესები აქვს. ასევე მოშორებით შეიძლება დაკავშირდეს გამწოვის მილიც. თუმცა აქაც გათვლებია საჭირო რომ ჰაერის გამტარიანობამ ხარისხიანად იმუშაოს. აღნიშნული გამწოვის სიძლიერეზეა დამოკიდებული, მანძილზე და საჰაეროს პროექტზეც. თუმცა რათქმა უნდა რაც უფრო ახლო არის კომუნიკაციები მით უკეთესია. რამდენ ხანში დაამზადებთ სამზარეულოს? სამზარეულოს და სხვა ავეჯის დამზადების საშუალო დრო დაახლოვებით 15-დან 26 სამუშაო დღემდეა. ზოგიერთი შეკვეთა შესაძლოა დამზადდეს 2 თვეშიც. დამოკიდებულია პროექტის სირთულეზე, რაოდენობაზე, მასალის სახეობაზე, მასალის მომწოდებელზე და მწარმოებელზე და ა.შ. თუმცა პრაქტიკამ აჩვენა რომ გაცილებით ადრე მზადდება ვიდრე ვთანხმდებით დამკვეთთან. აღნიშნული განპირობებულია ბევრ ფაქტორზე და ყველა შემთხვევისთვის ინდივიდუალურად დგინდება დამზადების დრო. წინასწარ რატომ არის ჩასარიცხი ამხელა ავანსი? საერთო ღირებულების 70% - 80% ჩვენ არ ვმუშაობთ მოგების დიდ პროცენტზე. აღნიშნული ავანსი საჭიროა ავეჯის დამზადების დაწყებისთვის და წარმატებით ბოლომდე ჩაბარებისთვის. ჩვენი სახსრებით წინასწარ ავეჯის დამზადება არ ხორციელდება, გარდა სპეციალური შემთხვევების და მოლაპარაკებებისა. ავანსი დაახოვებით ის თანხაა რითაც თქვენი ავეჯი სრულიად უნდა დამზადდეს და ჩაგბარდეთ. ფული რომ ჩაგირიცხოთ მერე რამე რომ მოხდეს სად გეძებოთ? დამკვეთთან ასევე შესაძლებელია გაფორმდეს ხელშეკრულებაც, სადაც მაქსიმალურად არის აღწერილი ურთიერთობის დეტალები. როგორც შემსრულებლის ასევე დამკვეთის. ხელშეკრულება არის ორივე მხარისთვის გამჭვირვალე, მითითებულია დასამზადებელი ავეჯის ესკიზები, ტექნიკური ნახაზები, მასალის სახეობა და ა.შ. აღნიშნული ერთგვარი გარანტიაა. მათ შორის საიდენთიფიკაციო მონაცემებიც, ზედაპირი ქვის უნდა შევუკვეთოთ. სხვა კომპანიებთან თანამშრომლობთ? ხელოსნების დევნა არ მოგვიწევს მერე? სხვა კომპანიებთან რა თქმა უნდა ვთანამშრომლობთ. ყველაფერი წინასწარ არის გასათვლელი, მოსალაპარაკებელი და გადასაწყვეტი. ზოგადად სამზარეულოს დასრულების შემდგომ, უცხო კომპანიის წარმომადგენელი იღებს დასამზადებელი ზედაპირისთვის შესაბამის ზომებს, ისე რომ მაგ მომენტში, სამზარეულოს გადაადგილების ან რაიმე სახის პოზიციის შეცვლის უფლება არ აქვს. ჩვენთან თუ საჭიროა ექნებათ კომუნიკაცია პირდაპირი შეხვედრით ან სატელეფონო კონსულტაციით. ხელოსნებმა ჩვენთან ბინაშივე უნდა ააწყონ ავეჯი და სამზარეულო? ავეჯის დამზადება და აწყობა ხორციელდება ჩვენ საწარმოში. შემდეგ ტრანსპორტირდება თქვენთან და სრულდება ავეჯის სამონტაჟო სამუშაოები. ასევე ამ პროცესისთვის გამოიყენება ყველა საჭირო ხელსაწყო. რომ დამიგვიანოთ შეკვეთა მერე რა ვქნათ? როგორც პრაქტიკამ აჩვენა, შეკვეთები უფრო სწრაფად ბარდება ვიდრე იყო შეთანხმებული. თუმცა რა თქმა უნდა გაუთვალისწინებელი შეფერხებებიც ხდება. ამიტომ ხელშეკრულებაში გაწერილია შესაბამისი პუნქტები. რომლებიც მოიცავს შემსრულებლის ე.წ ( დაჯარიმებას) თუ დადგინდება მისი ბრალეულობა შეკვეთის დაგვიანებაში. ასევე გაწერილია სხვა პუნქტებიც, რაც მაქსიმალურად იცავს მომხმარებლის ინტერესებს. მეზობელმა რომ გააკეთებინა სამზარეულო, რამდენიმე ხანში კარი ჩამოუვარდა. ჩვენთან რომ მოხდეს ასე რა ვქნათ? რა გარანტიები გაქვთ? ჩვენ ყოველთვის ხარისხიან მექანიზმებს ვიყენებთ და ჩვენთვის ხარისხი პირველ ადგილზეა. საგარანტიო პირობა ხელშეკრულებაშია გაწერილი. მომხმარებლის ინტერესები მაქსიმალურად არის დაცული. მაგალითად: თუ ჩვენს მიერ დაყენებული ანჟამა მოძვრა ან გატყდა, ჩვენს მიერ შეიცვლება უფასოდ, თუ დადგინდა რომ იგი არ იყო მწყობრიდან გამოსული მისი არასწორად მოხმარების შედეგად. სამზარეულომ დროთა განმავლობაში ფერი რომ შეიცვალოს, ამ შემთხვევაში რა ხდება? ავეჯის წარმოებისას ყოველთვის ვიყენებთ ხარისხიან მასალას. თუ თქვენს მიერ არჩეული მასალა ჩვენთვის საეჭვო იქნება, აუცილებლად შეგატყობინებთ. ზოგადად მომხმარებლებისგან გვსმენია რომ ფერის შეცვლის შემთხვევა ყოფილა. თუმცა ეს მხოლოდ მრავალი წლის წინ, სხვა უცხო კომპანიის მიერ დამზადებული სამზარეულოს ავეჯი იყო. ერთ შემთხვევაში ფასადები შეღებილი იყო და მეორე შემთხვევაში მდფ-ზე გადაკრული ფირი. თუ ასეთი ფენომენი მოხდა, რა საკვირველია მივმართავთ მასალის მომწოდებელ კომპანიას და მოვითხოვთ პასუხს, აღნიშნულთან დაკავშირებით. ვინაიდან მასალის წარმოება რისგანაც მზადდება ავეჯი, ჩვენი საქმიანობა არ არის. ხელობაში რამდენს აიღებთ? ჩვენი მასალით რომ გააკეთოთ სამზარეულო ან კარადა? ცალკე ხელობათ შეფასებულ საქმიანობას არ ვეწევით. სამზარეულოს კვადრატულობა როგორ იანგარიშება? ყველამ სხვადასხვა დამიანგარიშა და როგორ გავიგო რომელია მართალი? ყველა ქვეყანაში სამზარეულოს და ავეჯის ფასის დაანგარიშება შესასრულებელი სამუშაოს მიხედვით, სხვადასხვა ნაირად ხდება. ზოგან ე.წ კვადრატულობით ითვლიან, ზოგან გრძივი მეტრობით და ზოგან საერთოდ ფასდება მთლიანი პროექტი. საქართველოში მირებულია საზოგადოდ კვადრატული ერთეული. რაც ნიშნავს სიგრძისა და სიგანის ნამრავლს. მაგ; სამზარეულოს ორი დონე აქვს. 1-ე დონე ის არის რომელზეც სამზარეულოს ზედაპირია განთავსებული. ე.წ (სტალეშნიცა) 2-ე დონე პირველის ზემოთ განთავსებული კარადების რიგია. თითოეული დონის კარადების ჯამური კვადრატულობა უნდა დაიანგარიშოთ და შემდგომ დააჯამოთ. იხილეთ მოცემული მაგალითი სურათზე. თუმცა კვადრატულობითი რაოდენობის გამოყვანა არ ნიშნავშ იმას რომ კონკრეტულად რომელიმე ფასზე შეიძლება გადაამრავლოთ და გაიგოთ ფასი. ზოგიერთი ნამუშევარი ბევრად შრომატევადია და დამზადების ტექნოლოგიაც უფრო ძვირიანი იყოს. ამიტომ საბოლოოდ ყველა შემთხვევა მაინც ინდივიდუალურად კორექტირდება. ამავდროულად ყველა საწარმოს და ხელოსანს შეიძლება თავისი მიდგომა ჰქონდეს და ამიტომაც ზოგჯერ მონაცემები არ ემთხვევა ტექნიკას რომ ჩააშენებთ, გამწოვსაც ხომ მიაერთებთ? და ( ბარემ ) გაზიც დააერთედ და წყლის სანტექნიკაც. სამზარეულოს მონტაჟის დროს ხორციელდება მხოლოდ: 1) ჩასაშენებელი მაცივრის მონტაჟი და მისი ქარხნული სამაგრებით დამაგრება. 2) ჩასაშენებელი ღუმელის შესმა შესაბამის ადგილას და მისი ქარხნული სამაგრებით დამაგრება. 3) ჩასაშენებელი გაზქურისთვის ადგილის ამოჭრა. (გაზქურის შემდგომი დაერთება უნდა განხორციელდეს გაზიფიცირების კომპეტენტური ორგანოს წარმომადგენლის მიერ, რათა იყოს დაცული ყველა უსაფრთხოების ნორმა) და შემდეგ მოხდეს მისი დამაგრება ქარხნული წესით და სამაგრებით. 4) ნიჟარისთვის ადგილის ამოჭრა. (ნიჟარის სანტექნიკის და აქსესუარების მონტაჟი უნდა განახორციელოს შესაბამისმა კომპეტენტურმა პირმა. ე.წ სანტექნიკმა) 5) გამწოვის მონტაჟი კარადაში. გამწოვის მილის დაერთება საჰაეროსთან შეთანხმებით ხდება. რადგან ზოგჯერ ტექნიკის საგარანტიო არ იძლევა სხვის მიერ დაერთების უფლებას. აერთებენ მათი წარმომადგენლები. 6) ჭურჭლის სარეცხი მანქანის მონტაჟი. (სანტექნიკის და აქსესუარების მონტაჟი უნდა განახორციელოს შესაბამისმა კომპეტენტურმა პირმა. ე.წ სანტექნიკმა) 7) თეთრეულის სარეცხის მანქანის მონტაჟი. სანტექნიკის და აქსესუარების მონტაჟი უნდა განახორციელოს შესაბამისმა კომპეტენტურმა პირმა. ე.წ სანტექნიკმა. 8) მიკროტალღური ღუმელის შესმა შესაბამის ადგილას და მისი მონტაჟი ქარხნული სამაგრებით. თუ შეიძლება ლიფტით ნუ ამოიტანთ ავეჯს. მეზობლები ბრაზობენ ზოგადად ავეჯის დეტალების და მისი აქსესუარების ლიფტით ტრანსპორტირება ზოგადი წესით შეზღუდული არ არის. თუმცა მოლაპარაკებით თუ აღნიშნული აიკრძალა, მაშინ დაანგარიშდება დამატებითი გადასახდელი თანხა კიბეებით აზიდვისთვის. ახლობელს რომ დაუყენეს სამზარეულო, ახალი გარემონტებული კედლები დაუზიანეს და შპალიერი გაუფუჭეს. ჩვენ რა ვქნათ თუ გაგვიფუჭეს? ჩვენი ხელოსნები ყოველთვის ყურადღებით მუშაობენ, თუ საჭიროა წინასწარ კედლების არსებულ მდგომარეობასაც ვუღებთ სურათებს. ასევე ბოლოს მონტაჟის დასრულების შემდეგაც. ხოლო თუ ასეთი შემთხვევა დაფიქსირდა, აღნიშნული უსიამოვნება მოლაპარაკების გზით გადაწყდება რომ დამკვეთი კმაყოფილი დარჩეს. ჩვენ ნაცნობს სამზარეულოს ჩამოკიდებისას, ელექტრო გაყვანილობის დენის კაბელები გაუფუჭეს ხელოსნებმა. რა უნდა ვქნათ ასე თუ მოხდა? როგორც წესი, დამკვეთმა უნდა მიგვითითოს სად გადის ელექტრული წრედების გაყვანილობები. ან მოგვცეს ნახაზი რისი მიხედვითაც შეიძლება ხელმძღვანელობა მონტაჟის დროს. რომ ჩვენც და თქვენც დაცულები ვიყოთ უსიამოვნო შემთხვევისგან. ხოლო თუ დამკვეთის მიერ არ იქნა მოწოდებული აღნიშნული ინფორმაცია, ან ინფორმაცია არასწორი იყო. მაშინ ადგილზე მდგომარეობის მიხედვით დამკვეთთან შეთანხმებით ვიმოქმედებთ რათა ორივე მხარემ პასუხისმგებლიანად მოეკიდოს აღნიშნულ საკითხს. 3D დიზაინის პროექტი ერთად მინდა რომ გავაკეთოდ, სად შეიძლება მოსვლა? ისეთი უნდა გამოვიდეს ჩვენ როგორიც გვინდა. ავეჯის ტექნიკიური პროექტი დისტანციურად კეთდება. კომუნიკაცია მომხმარებელთან მუდმივად -ის საშუალებებით ხორციელდება. 3D ტელეფონით, Viber, Skype, WhatsApp, Messenger, Facebook ასეთი მეთოდი მთელ მსოფლიოში აპრობირებულია და მოსახერხებელია მომხმარებლისთვის. რადგან აქვს დრო დაფიქრებისთვის და პროექტირების პროცესში მრავალრიცხოვანი ცვლილებები შეიტანოს. ასევე მზადდება ვიდეოც რაც უფრო მარტივად ხდის სხვადასხვა ავეჯის აღქმას. 3D დაპროექტებული სამზარეულოს თუ სხვა ავეჯის დიზაინი თქვენი გემოვნების მიხედვით იქნება და სანამ არ მოგეწონებათ იქამდე თქვენს სამსახურში ვიქნებით. 100%-ით დარბილებული საწოლის ნაჭერი როგორ გავრეცხო ან გავწმინდო? რითი იწმინდება? ეს განათება რაც დააყენეთ სამზარეულოზე, ხარისხიანია? ჩინურია? რა გარანტიაა აქვს? განათება ყენდება კომპანია -ის. ევროპული წარმოების და მაღალი ხარისხის არის. შეგიძლიათ გაეცნოთ მათ ბრენდს აქ მრავალწლიანი გამოცდილება განათებების სისტემების შექმნაში, ამ კომპანიას ერთ ერთ სანდო კომპანიად აქცევს. რა თქმა უნდა მათი გამოცდილება და მიდგომა ხარისხში ეჭვს არ ბადებს. V-tac . https://www.v-tac.eu/ იაფიანი ელიავაზე რომ ვიყიდოთ განათება ეგ არ წავა? როგორც ნებისმიერი პროდუქტი, როდესაც იგი ხარისხიანია ამასთანავე შესაბამისი ფასიც ღირს. რა თქმა უნდა იაფიანი განათების დამონტაჟებაც შეიძლება, მაგრამ ხშირად მწყობრიდან გამოსული ნათება ან სხვა ნაწილი საბოლოოდ ისეთ ფასს გამოიმუშავებს, რაც თავიდანვე ხარისხიანი შეიძლება ყოფილიყო. ყველა ამბობს რომ BLUM -ის მექანიზმები და სამზარეულოს აქსესუარები ყველაზე კარგიაო. თქვენ რომელს დააყენებთ? და ეგენი გაძლებს? ჩვენ ვიყენებთ სხვადასხვა კომპანიის ხარისხიან მექანიზმებს და აქსესუარებს. ძირითადათ იტალიური და თურქული მექანიზმებიდან არჩეული გვაქვს საუკეთესო მოდელები. მათ შორის -საც ვიყენებთ. Blum სხვაობა არის ფასში, დანიშნულებაში, მექანიზმის სახეობაში და ბრენდის კლასში. ყველას არ შეუძლია ძვირადღირებული ბრენდირებული კლასის მექანიზმების დაყენება სამზარეულოში. ამიტომ ჩვენი საქმეა საშუალო და მაღალი ფასის სეგმენტში, საუკეთესო ხარისხის მექანიზმები ავარჩიოთ და დავაყენოთ ისე რომ საიმედოთ მოგემსახუროთ. ასევე დიდ როლს თამაშობს მექანიზმების სწორად შერჩევა კონკრეტული დანიშნულებისთვის და ასევე განხორციელებული მონტაჟის სისწორე. იტალიური და თურქული, სამზარეულოს მექანიზმები და აქსესუარები ხარისხიანია? რა განსხვავებაა BLUM -თან შედარებით? დღეს დღეობით საქართველოში ძალიან ბევრნაირი მექანიზმის შემოთავაზებაა. ჩინური, პოლონური, ფრანგული, ავსტრიული, თურქული, იტალიური და სხვა. ჩვენ ძირითადათ ვიყენებთ იტალიურ და თურქულ მექანიზმებს. მათგან ვარჩევთ მხოლოდ გამოცდილებით დადგენილ ხარისხიან მექანიზმებს. Blum-თან შედარებით ოდნავ დაბალი ფასი აქვთ, თუმცა ხარისხით და გამძლეობით არ ჩამოუვარდება. სამზარეულოს დარჩენილ თანხა ( ბარემ ) ხელზე მოგცეთ? მე მხოლოდ გადარიცხვით ვმუშაობთ, ამიტომ ნებისმიერი მომსახურების ანგარიშსწორება საბანკო გადარიცხვით ხდება. ხელზე მომსახურების ან გასაყიდი პროდუქტის თანხის აღების უფლება არ გავაქვს. სამზარეულოს მასალას მარტო ვერ ავარჩევთ. ამ პატარა კატალოგებში კი არ ჩანს კარგად. არც ფერი და არც ფაქტურა. რა ვქნათ? თქვენ გამოგვყვებით ასარჩევად? დიახ, საჭიროების შემთხვევაში ჩვენი წარმომადგენელი გამოგყვებათ, გაჩვენებთ მასალებს და აგარჩევინებთ. ასევე ჩაგიტარდებათ კონსულტაცია მასალებთან დაკავშირებით. განვადებით მუშაობთ? ამ ეტაპზე განვადებით არ ვმუშაობთ. სამზარეულოს დამზადებისას ისარგებლე შეკვეთის სერვისით. დაზოგე ფული! SMART მხოლოდ ხელობა 1კვ/მ = 160₾-დან შეუკვეთე მხოლოდ ხელობა და მოარგე სამზარეულოს ფასი შენ ბიუჯეტს! ​ ნუ გადაიხდი ზედმეტს! ​ ხელობის მომსახურებაში შედის: ​ * 3D პროექტირება და დიზაინი. * მასალის და მექანიზმების შერჩევა. * თვითღირებულების ფასის დადგენა. * საწარმოში ან ადგილზე აწყობა. * სამზარეულოს მონტაჟი. © Dragon Wood - Created by Lasha Lomidze

  • სამზარეულოს ფასები | ავეჯის დამზადების ფასები

    ავეჯის დამზადების ფასები ფასები საუკეთესო ხარისხი და მასალები. ყველა შემთხვევა ინდივიდუალურია და დამკვეთთან დეტალურად განიხილება. სამზარეულოს დამზადების ფასი თუ სხვა ავეჯის ფასი იანგარიშება ზოგადად პროექტის სირთულის და რაოდენობის მიხედვით. ​ ​ ყველა შემთხვევა თანხმდება ინდივიდუალურად ფასი იწყება | 1კვ. - 450 ₾ - დან | და | შესაძლებელია ავიდეს 1200 ლარამდე და ზემოთ | ​ ავეჯის ფასი დამოკიდებულია ბევრ ფაქტორზე: ავეჯის ტიპი, მასალის სახეობა, მასალის ფასი, მასალის ზომა, შეღებილია თუ არა, ავეჯის მოცულობა, ავეჯის სირთულე, გამოყენებულ მექანიზმები, არის თუ არა ვიტრინა, ნაწრთობი შუშით არის თუ არა, როგორი განათება ყენდება, ტერიტორიულად სად არის დასამონტაჟებელი, რომელი სართულია და მუშაობს თუ არა ლიფტი და ა.შ ​ როგორც ხედავთ, უამრავი დეტალია გასათვალისწინებელი იმისთვის, რომ თქვენ რეალურად მისაღები ფასი შემოგთავაზოთ და უმაღლესი ხარისხი მივიღოთ. სწორედ ამიტომ არ არის მითითებული კვადრატულობაზე კონკრეტული ფასები, რომ ტყუილად შეცდომაში არ შეხვიდეთ და ყველაფერი მაინც მოლაპარაკების საფუძველზე თანხმდება ​ დამიკავშირდით +995 555 269 108 და ფასს რამდენიმე წუთში შემოგთავაზებთ. სამზარეულო სამზარეულოს სიგრძე - 4400 სამზარეულოს სიმაღლე - 2700 კარკასი - ავსტრიული ლამინატი (დსპ) ფასადი - თურქული MDF (მდფ) ნელი დახურვის მექანიზმები თქვენი კომფორტი ჩვენი საქმეა

  • ყავისფერი ხის ფერში სამზარეულოს ავეჯი | კარკასი მთლიანად ხე და განათება

    ავეჯის დამზადება სამზარეულო 3 ფოტო Dragon Wood 38 - 1 ავეჯის დამზადება | სამზარეულო Show More ავეჯის კარკასის მასალა: KASTAMONU თურქული მერქან ბურბუშელოვანი ფილა ( ე.წ ლამინატი დსპ ) DSP ​ ავეჯის ფასადის მასალა: AGT თურქული მერქან ბოჭკოვანი ფილა ( ე.წ მდფ ) MDF ​ მექანიზმები: იტალიური, ავსტრიული , თურქული ​ ავეჯის დამზადების დრო: 17 დღე ​ ავეჯის ფართობი: 9 კვ. ​ სამზარეულოს ზედაპირი: მერქან ბურბუშელოვანი ფილა ( ე.წ დსპ ) DSP სამზარეულო არის თანამედროვე სტილში შესრულებული. აღსანიშნავია ის, რომ სამზარეულოს მთლიანი კარკასის მასალა არის დამზადებული ხის ფაქტურის მასალისაგან, რაც ასევე იყო გამოყენებული ფასადებისთვის. ისევე როგორც ყველა ჩვენს მიერ დამზადებულ სამზარეულოში არის გამოყენებული 2 ამწევი დგუში თითო კარზე. სამზარეულოს განთავსების ადგილი გამოირჩეოდა კედლების რთული გეომეტრიით. თუმცა როგორც ყოველთვის სწორი მიდგომით, აზომვებით, დაპროექტებით და DRAGON WOOD-ის პროეფესიონალი კოლექტივის მუშაობით, ყველაფერი ძალიალ კარგად გამოვიდა და რაც მთავარია დამკვეთი 100%-ით კმაყოფილი დარჩა შესრულებული სამუშაოთი.

View All